Бели Мугри/ Селска мака

„Печал“

„Селска мака“ од Коста Солев Рацин

„Тутуноберачите“

Препис во оригинал како што е издадена во збирката песни „Бели Мугри“.

Селска мака

Покрај ниви, покрај лаки,
покрај снискине брегови,
вода тече — вода влече
селски слзи, селски маки
селски таги и јадови.

Извор вода извираше
плодно поле наливаше —
полодно поле род народи.

Ноће чума ли одеше
плод от поле ли береше —
амбар селски пуст остана!

Слнце светло ми светеше
гора ми се зеленеше —
в гора пиле песна пее.

Камен ли му в гради легна
стија ли го в коси стегна —
срце селско — векот тажно!

Кој ја сипе, кој ја роси
таја слана што покоси
по нивјето пшениците
по лозјето гроздовите?
Та се житце не зелени
та се грозје не румени,
та от пуста селска мака
аир нема дур от века?

Поврзано

• „Бели Мугри“

Сите дела од овој автор се во јавна сопственост во целиот свет бидејќи авторот е починат пред повеќе од 50 години.