Бели Мугри/ Ленка

„Тутуноберачите„

„Ленка“ од Коста Солев Рацин

„Проштевање„

Препис во оригинал како што е издадена во збирката песни „Бели Мугри“.

Ленка

„Биљана платно белеше...“

Откако Ленка остави
кошула тенка ленена
недовезена на разбој
и на наломи отиде
тутун да реди в монопол —
лицето и се измени
веги паднаја надолу
и усти свиа кораво.

Не беше Ленка родена
за тиа пусти тутуни!
Тутуни — жлти отрови
за гради — китки розови.

Прва година помина
грутка в срцето и легна,
втора година намина
болест ја в гради искина.
Трета година земјата
На Ленка покри снагата.

И ноће кога месечко
гроб и со свила виеше
ветерчок тихо над неа
жална и тага рееше:
„Зошто ми, зошто остана
кошула недоткаена?
Кошула беше даровна. . .“

Поврзано

• „Бели Мугри“

Сите дела од овој автор се во јавна сопственост во целиот свет бидејќи авторот е починат пред повеќе од 50 години.