Македонски народни песни/ Болен лежи катил Ѓорѓи

Болен лежи катил Ѓорѓи,

В Солунски зандани.

Дење лежи катил Ѓорѓи,

Ноќе го испитуваат.

Кажи, кажи катил Ѓорѓи,

Кај е твојта пушка?

Кај е твојта пушка Ѓорѓи,

Пушка-маликера.

Главата си давам душман,

Пушка не кажувам.

Пушка не кажувам душман,

Пушка-маликера.

Откаде спечали Ѓорѓи,

Тешкото имање?

Бегови сум клало душман,

Пари сум земало.

Ова дело е во јавна сопственост во целиот свет бидејќи авторот е непознат/народно творештво.

Поврзано