И можеби ти ќе дојдеш тогаш

„И можеби ти ќе дојдеш тогаш“ од Ацо Караманов

револуционерна поезија

И можеби ти ќе дојдеш тогаш
за последен пат на морскиот срт
немоќен и студен каде спијам
прераната да ја колнеш смрт.

А моите усни насмевнати ќе бидат
и душата уште ќе живее велам
а очите верувај сами ќе видат
и пак со тебе се ќе делам.

Ќе бидам буден тогаш верувај
дури ќе излезам од темниот гроб
повторно да ја запеам моќната песна
на црниот и побунетиот роб.
 
Од моите очи ќе капат капки дожд
земјата да ја напојат родна
та и мртов ќе мислам на тебе и неа
ти среќна да бидеш, таа плодна.

Поврзано

• Ацо Караманов

Извор

• Револуционерна поезија, Ацо Караманов