Зборник на Миладиновци/ 621 песна
| 620 песна | 621 песна од Браќа Миладиновци |
622 песна |
| на современ македонски правопис. |
Дење ми те гледам, ноке ми те сонвам,
Дење ми ходиш близо до менека
Ноке ми легнуваш на десната р'ка
На десната р'ка, на правата стр'на.
Се разбудил лудо, р'ка устрпнала
Р'ка устрпнала, мома избегала;
И на перничката веле, ем говоре:
,,Перничко душманко, како ми момата?"
„Чужда беше, лудо, дома си отиде,
При нејзина мајка, при нејниот татко.”