Зборник на Миладиновци/ 543 песна
| Кога готват зетот | 543 песна од Браќа Миладиновци |
Кога готват невестата |
| на современ македонски правопис. |
Преврлила се к'пина,
Преко висока планина,
Да во Јанина градина.
Не била Јанина градина;
Тук била Јанина мајка,
Посвршила си девојка,
Милошy зету зборува:
„Милоше, зете Милоше!
Многу сватови да каниш,
Многу сум дара зготвила,
На секи сват по коња,
А на нункото два коња,
На старосват м'ска ковена.