Зборник на Миладиновци/ 372 песна

372 песна

од Браќа Миладиновци

на современ македонски правопис.

„Умрех, загинах, Ленко, за тебе,
Дур да се ставам, Ленко, со тебе,
Пот твое грло да летувам,
На твои дојки, Ленко, да зимувам.
Бог да убиет - мајка ти,
Што не те пуштат, Ленко, на порта,
За да се видиш, - сос мене!
Бог да убие - татка ти,
Што не те пушта - на вода,
За да се ставиш - со мене!
Сека година - крвнина,
Ова година - два крва,
Смисли се - за мене,
Не остаи - да умрам,
Да умрам - за тебе.