Зборник на Миладиновци/ Скендербег

Скендербег

од Браќа Миладиновци

на современ македонски правопис

Попленал ми Скендер-бег
Јовче поле Битољско,
Ми попленал Скендер-бег
Едно мало девојче,
Девојче и Латинче,
Та го фати за р'ка
Та ја фрли на коња.
Кога бегот бегаше,
Тиок ветар вееше;
Момето ми плачеше,
Ситна роса росеше;
Момето се насмеа,
Јесно с'нце угреа,
Латински му зборвеше:
„Море бегу, Скендер-бег!
Немој да ме поплениш,
От си имам три браќа
Татко и мајка ме дават,
Брат Никола не дават;
Ке ме дадет Алај-бег
Алај-бег за сина;
Ке напраит ќуприа
Со два драга камења,
Со дробнего бисера
За малего Мефмеда.