Ај невесто русокосо

„Ај невесто русокосо“ од Македонско народно творештво

Македонски народни песни

Ај невесто русокосо
русокосо,црнооко!
Три години сејмен шетав
ништо тебе, не ти реков
сега нешто ќе ти речам:
да и речеш на золва ти
на золва ти помалата
да ми чува две јаболки,
ни од роса наросени,
ни од ветар повеани
ни од слана попарени
ни од сонце угреани!.

Надворешни врски

• Македонска народна лирика