Јован Јовановиќ - Змај/ Петре како доктор

„Петре како доктор“ од Јован Јовановиќ - Змај

Македонски превод. Песната е оригинално издадена на српски јазик.

„Господине докторе,
ве поканив тука,
болно ми е куклето,
срцето му чука.

Фатете ѝ образи
фатете ѝ чело,
мене ми се чини
дека ѝ е врело“.

Докторот е загрижен
сериозно гледа,
за болното кукленце
дијагноза следи:

„Инфлуенца голема,
умот ѝ се мати,
ако ја бакнувате
и вас ќе ве фати.

Лекче ќе ѝ препишам,
апче на два сата,
а и да ја истрие
веднаш баба Ната.

Лимонада правете,
чашка пред да спие,
ако таа не сака -
ќе пиеме ние“.

Поврзано

• Јован Јовановиќ - Змај

Сите дела од овој автор се во јавна сопственост во целиот свет бидејќи авторот е починат пред повеќе од 70 години.